समाजातील नोकरदार वर्ग, कार्यालयीन कर्मचारी आणि नियमित उत्पन्न असणाऱ्या नागरिकांकडून प्रामुख्याने बचत खाती उघडली जातात. खात्यातील शिल्लक रकमेवर दैनंदिन आधारावर व्याजाची गणना केली जाते. खाते उघडल्यानंतर ग्राहकांना एसएमएसद्वारे आवश्यक माहिती दिली जाते.
नियमित बचतीची सवय आर्थिक सुरक्षितता वाढवते आणि जीवनमान उंचावण्यास मदत करते. बचतीमुळे अनपेक्षित खर्चासाठी आर्थिक तरतूद करता येते आणि भविष्यातील स्वप्ने व उद्दिष्टे पूर्ण करण्यासाठी आर्थिक आधार मिळतो.
नागरिकांमध्ये बचतीची सवय विकसित व्हावी आणि त्यांना आर्थिकदृष्ट्या स्वावलंबी बनवता यावे, या उद्देशाने श्री डोळसनाथ नागरी सहकारी पतसंस्थेने विशेष खाते योजना उपलब्ध करून दिल्या आहेत.
आमच्या विविध खाते योजनांच्या माध्यमातून ग्राहकांना सुरक्षित बचत, आकर्षक व्याजदर आणि विश्वासार्ह आर्थिक सेवा प्रदान करण्यासाठी आम्ही सदैव प्रयत्नशील आहोत.